تحيا المقاومة

لازم نقــــاوم

مع المقاومــة

من غير تهاون

ولا مساومــة

القصـد طاهـر

والحق ظاهـر

لشعب كافـح

طول السنيـن

والدم دمــه

صامـد متين

جوه العواصف

والكبت ناسف

والله يعيــن

لابـد..لازم

في يوم يعود

شعبي الطريـد

يرجع لأرضه

ويؤدي فرضه

حي  كـــان

أو كان شهيد

لا في العواصم

ولا البريــد

قرارات محال

مش شئ جديد

الأرض نطـقت

والنطق هــام

إن اللي آتـي

مش بـ الكلام

لا كامب ديفيد

هتجيب سلام

ولا ألف عام

أصل القضيـة

صوت بندقية

والسكه ديــه

هي الختـام

وبالمقاومة

أرفعها رايتي

والدنيا تعرف

عزمي وإرادتي

ملعون ياكل

صوت يخون

إذا أنت صنت

ربك  يصـون

بالبـنـدقية

حل القضية

والسكه ديـه

فوق الظنون

لا يبقي شـوك

ولا يبقي ضلمة

لابـد ..لازم

تحيا  المقاومة