الظن اللعين

قوات أمن هاجمـة

وزاحفــة بالملايين

إحتـلت الشــوارع

وإحتلـت المياديــن

قوات أمن ممكن

تفتح بيها الصين

وبــلاد التراكوة

ولنــدن وبرلين

أنا قلت لنفسي حتماً

رايحة على فلسطين

تشد أزر حماس

حكومة ومجاهدين

أو تلقاها رايحة

على مرجعيون

تقاوم مع نصر الله

في صيدا وف مارون

هتفت الله أكبر

يدوبك تكبرتين

إلّا وإنقضوا عليّا

كأني صيد ثمين

قالولي أنت مين

أكيد م المندسين

بالشوم نزلوا عليّا

ومرمغوني  ف  الطين

وبعد ما فقت يا صاحبى

كنت حزين ... حزين

مش ع الضرب اللى أخدته

لأ .. ع الظن اللعين

...